top of page

Hertog .......

In Meestreech
IMG_1943.JPG
4B0D9CAD-168D-45A2-9F0E-97AB136D0227_edited.png

2024

Leef Lui,

 

Vaan harte welkom veur den ierste kier bei Dance en partycentrum Bernaards, gelege aon de Brueselestraot te Mestreech.

 

Euze nuie Hoeglöstigheid is geboore op 25 fibberwarie 1981 in ut aaid hospitaol Annadal, destieds waor ut toen dus vastelaovend.

Heer waor dao bekans verwisseld mèt un aander kleineke, mèr dat is oet eindelik tog nog good gekoume.

 

Heer heet met hiel veul meuite de kleutersjaol doorloupe boe nao heer zien bes heet gedoon oppe John F Kennedy sjaol, de Havo oppe Trichter college, en of ut nog neet genog waor, ouch nog eeve bedriefs economie gedoon oppe HEAO, sjapeau !!!

Veur die letste opleiding heet heer wel nog un tösse stepke moote pakke, nl de tösse opleiding vaan Leeuwenborg.

 

Aon de letse sjaol heet heer zien roots gelag veur zien carriere tot noe tow, heer heet naomelik get met duite telle.

 

Wie de kanselarij op 23 mei 2023 de bengkellike vraog stelde, woars heer un bitteke verpopzak en op ins hiel erreg stillekes.

Heer zaot nl in de barberstool bei Barbershop to the Max, wie Frans heum op ins nao binne vroog.

 

Twie daog laater koume de verlossende waord deroet, veer wille dat geer doen saame met die sjieke club van uuch. Pfff dat doorde zich ein.

 

Wie veer get deenger begoste te vraoge kaom den ondeug boove drieve, zoe wie tematte teege veur roete goeie bei de lui, rech op blieve stoon nao alcohol gebruuk, en ut umzeile vaan päölkes bei de sporthal Daalhof nao unne aovend stappe.

 

Dat letse heet der veur gezörreg dat heer un aontal weeke door un rietjse heet maage eete, dus dat deit heer waorsjeinlik noets mie.

Ut is unne echte oonvervalste carnavalis, duite teller en voetbal leefhöbber, heer heet zellevers 10 jaor laangk de duite maage telle bei VV Daalhof.

 

Heer heet zien charmante chickske liere kinne tijdens un pötsje darts bei café Ranstad, en is oeteindelik met heur getrowd op 15 juli 2010.

Saame vierde zie geere vekansie met de kereven in Fraankriek, dit jaor goon zie echter met de bös veur ut iers nao de Costa del Sol.

 

Maage veur uuch veurstelle aon euze nuie Hoelöstigheid, de 29e Hertog vaan CV de Mineurs:

 

Roel den ierste

 

Roel Vrancken is geboore in Mestreech op 25 fibberwarie 1981.

Zien chickske Samantha is geboore op 28 december 1985.

 

Same höbe zie twie prachtige zäöns Zjuul vaan 13 en Lars vaan 9.

De Hertogelikke residentie is geleege aon de Marsanahof 45 te Daalhof, volgens us rech teege euver de resedentie vaan Edwin Buijs.

Hoof dei dit jaor neet wiet te sleipe met de borde en de huiskes,

 

Hoegachtend,

De Kanselarij,

Ronald Aarts en Frans van der Pas

bottom of page