Leef Lui, 14 Jannewarie 2011 + 12, veer goon eindelik weer beginne met de vastelaovespripperaties.

Vaan harte welkom in us kroetmaggezijn, gelege in ut Mestreechs Rizzjemint aon de Staotesingel. Ut Hertogdom vaan Groet Mestreech!

Wie de kanselarij op 27 oktober 2010 + 11 bei heum toes de bengkelike vraog stelde,waors heer en zien vruike verpopzak.

Veer höbbe hun oetgelag wat ut de Mineurs vaan uzze Hertog en zien vrow verwag en gevraog of ze zoe snel es meugelik wilde laote weete of zie CV de Mineurs wowwe veurgoon. Veer hadde de deur nog neet tow getrokke achter eus smaal kuntsjes toen eine vaan us al un appke kraog met de verlossende waord, VEER WILLE UT HIEL GEERE GOON DOEN MET UUCH SAAME.

Heer heet met hiel veul meuite de kleutersjaol doorloupe boe nao heer zien bès heet gedoon oppe Don Bosco sjaol, de Mavo in Wiek en ut KMBO boe heer met un diploma es elektro monteur is weg gesjik. Blij dat ze heum kwiet waore natuurlik.

Daonao is heer in militaire deens gegaange in Venlo boe heer zien vrachwaagel rijbewies NEET heet gehaold. Um heum toch mehr un bitsje aon de geng te hawwe dao, höbbe ze heum mer get oonderhoudswerrek laote doen. De moos toch get met zoene mins he!

Wie veer get deenger begoste nao te vraoge kaom doa nog al get boove drieve:

- Geef dee mins noets un boormesjien in zien han,heer wet eeder waterleiding in de wand te veende, un echte kwaliteit veur unne nuie Hoeglöstigheid;

- Heer is oets haagele vol gewees bij La Cave en met zien zaate kloete in unne assele bak gevalle bei de shaorma tent in de platiel straot;

- En noe komp ut sjoenste, zie dag dat heer unne dikke vette BMW hat, helaas dus, heer hat un aw sjeenk vaan unne waagel. Mehr ut is toch good gekoume met die twie.

- Heer is te voel om te loupe, alles werrek toes beij hun met unne app, liekend euze awwe Hoeglöstigheid Lou den I wel;

- Zie is hofdame gewees vaan Peter van de Woy, destieds prins vaan eus vrun CV de Mallebergers.

Heer heet vreuger lempkes verkog bei ut Lampepalies in Beek, dao nao heet heer nog get tillefoons verkog bij Vodafone.

Teegewoordig verdeent heer zien duite es woernummend hoofd operator bij de zinkwit in Eijsde

Zie zien allebei gek vaan vastelaovend,zoe erreg zelfs dat wie ze trök koume vaan ski vekantie, de koffers onoet gepak bleeve stoon en zie verkleid op stap ginge in eus sjoen Mestreech.

Leef lui, veer wèlle ut neet langer trekke, want heer heet ut werrem en is blood nerveus: Maage veer uuch veurstèlle aon euze nuie Hoeglöstigheid 2011 + 12:

Roger den twiede

Roger is geboore in ut Heugemerveld op 10 aprèl 1970 en

Zien vruike Claudia is geboore in ut aaid hospitaol op 6 januari 1972, en zie is daan ouch dit jaar Sara gewoorde !!

Op 21 apil dit jaor waore ze ouch nog 25 jaor getrouwd

Same höbbe zie unne prachtige twieling oppe wereld gezat, Danae en Armand die geboore zien op 14 maart 2003

Ut gezin is compleet met hunne hond Pipi, un braaf krak.

De Hertogelikke residentie is geleege aon de ‘s-Herenelderenlaan nommer 8 in den Haozendans.

Hoegachtend,

De Kanselarij vaan CV de Mineurs