© 2019 by CV de Mineurs 

Hertog Kenny I

Verleef op Mestreech

Hertog Kenny I

Leef Lui,

 

Vaan harte welkom in ‘t kroetmaggezijn, aog dit jaor weer gelege bij ‘t Mestreechs Rizzjemint aon de Staotesingel. Dit jaor höbbe veer es kanselarijraod oonderein goot geevalueerd wee us zow motte veurgoon es Hertog in ’t sezoen 2020. Veer dinke tot de noe nog onbekinde dees taak goot zal vervölle.

 

Heer is geboren in ’t aajd hospitaol vaan Mestreech, en is opgegreujd aon de Tongerseweeg. Mèt hiel väöl meujte doorleep heer de kleutersjaol, boe nao heer zien bès heet gedoon bij Pie en Pau in Wolder, um te eindige op de MTS. Aon de lèste sjaol heet heer zien roots gelag veur zien carrière tot noe tow, heer heet naomelik gèt mèt ‘t vonketrekker.

 

Wie de kanselarij op häöm in november de benkeleke vraog stelde, reep heer al “JAO IECH WIL” boe bei heer vaan enthousiasme beinao door de salon tafel houwde. En daan te bedinke dat veer us vraog nog neet ins gans gesteld hadde. Dames en hiere, veer höbbe unne rappe gevoonde !!!!

 

Wie veer gèt deenger begoste te vraoge euver zien verleie kaom d’n ondeug bove drieve. V’r nömme eve gèt onsjuldige dinger op; appele klauwe beij de boer, stront door de breeve bösse goeje bij de lui en tèllefooncelle opblooze. Euver d’n aander kwatjs goon veer et neet höbbe, veurdat heer dadelijk weurt vastgezat door de govies.

 

‘t is ‘ne echte carnavalis, zien auwers zien in ’t verleije nog Hoeglöstighede gewees in ’t blauw dörp bij de Globetrotters. ’t is häöm mèt de paplepel ingegeve. Neve de vastelaovend is voetballe aog ’n echte leefhöbberij vaan de Hoeglöstigheid. Heer speult bij de plaotselijke trots VV Daalhof op ‘t 3e, en daorneve perbeert heer de jäög oonder 7 aog nog gèt bij te liere.

 

In 2008 heet heer zien huidige vrouw liere kinne, en in 2011 zien zie getrouwd. Oondertusse höbbe zie same ‘n sjoen gezin boe in zie gezegend zien mèt 2 gamins.

 

Zoe wie ieder gezag, hèlt heer vaan vunkskes. Heer heet dao jaore laangk zien broed mèt verdeend in ‘t èllentrikker bedrief vaan ziene pa, zellefs noe nog holp heer af en tow mèt op ‘ne zaoterdag es ziene pa ’t weer es druk heet. Noe geit heer echter door ut leeve es ‘ne echte govie en wèlt de straote vaan Mestreech veilig hawwe veur us allemaol.

 

Maage veur uuch veurstelle aon euze nuie Hoeglöstigheid, de 37e Hertog vaan CV de Mineurs:

 

 

Hertog Kenny d’n ierste

 

Kenny Griens, gebore in Mestreech op 23 mei 1987.

Getrowd mèt Desiree, en same höbbe ze twie kinder, Bram (6) en Max (4). Daorneve höbbe zie ‘ne echte waakhond Layca (10). Zie zien woenachtig op Daalhof aon de Pliniushof 36.

 

 

Hoegachtend,

De Kanselarij