Hertog Stanley d'n ierste

 

​

Leef lui,

Bij dees heite veer uuch vaan harte welkom in us kroetmaggezijn, Fort Koning Willem d'n Ierste.
Dit jaor zien veer vreug begonne mèt de selectie vaan uzze Hoeglöstigheid, te weite op 11 september.

Heer is gebore kort bij de werreke vaan Mestreech.
De basissjaol aon de Odasjaol waor gein probleem, al woort daor menneg vörke gestook.
De snópwinkel aon de Elisabeth Strouvenlaan waor häöm neet oonbekind.
Muzikaal is uzze Hoeglöstigheid aog, mèt de Mestreechse Verkinnersband "Jan Bovy"
heet heer de nudege internationale prieze gewonne, oondaanks tot heer gein noote kos leze.

Trouw supporter vaan MVV umdat zie zien kwalliteite gemis höbbe wie heer 'n klein menneke waor en voetbalde bij Willem I en VV de Heeg.
Via allerlei bäönsjes heet heer ziech in de horeca opgewerk tot chefkok. Daonao jaore laank gewerk bij Vodafone.

D'n Hoeglöstigheid hèlt vaan reize, en combineert dat ut liefste mèt sjoen wandelinge en ritjes op ziene nuije motor.
Zoe heelt de kanselarijraod häöm veur um unne proofrit te make op unne echte motor, unne BMW GS.
Gebore en getoge aon de Franquinetstraot, later verhuis naor de Vriethof en daonao naor Daalhof boe heer same woent mèt zien bloonte vriendin.

Zie kreege twie kinder, 'n dochter en 'nne zoon wat hun gezin compleet maakde.
Same 'n bedrief gestart wat oondertösse zien 10 jaorig bestoon moch viere.
Oondaanks tot zie et same erg druk höbbe mèt dit werrek waor d'n Hertog snel um, 'n haaf oor naotot de kanselarijraod zien hoes had verlaote hóng heer al aon de tèllefoon.
"Iech daon ut! Wie sjiek is dat", zag heer, "Hertog vaan de Mineurs".

Veurig jaor leeke de naome al opein mèt Patrick en Patricia,
dit jaor goejt de kanselarijraod daor nog 'n sjöpke bovenop, veer wèlle uuch gere veurstellen aon:

Hertog Stanley d'n Ierste!

Stanley Heckers, gebore 23 aprèl 1970.
Senly Vos, en hun twie kinder, Laurèn vaan 14 en Levon vaan 11.
Woenachtig in Daalhof aon de Titanenhof 31 en eigeneers vaan Vesta Vastgoed.

Hoegachtend
De kanselarijraod