© 2019 by CV de Mineurs 

Hertog Rico d'n ierste

Vaandaog höb iech geine tied

'N verrassing zow 't dit jaor mote zien
Wee heet de Kanselarijraod zoe weet gekrege tot heer jao gezag heet

Zeuke in de buurt vaan de de werreke waos us opdrach.
Dat deiste neet zoémer euverdaag, nein daan wachste tot de sjemer inveélt, paks de spinsleech en geis op zeuk.

Wie veer ouch us bés dooge veer moste us blikveld vergroete
Dus veer vaanoet de vaubanstraot umhoeg langs de breuselepoort riechting belfort, daalhof en haozendans.

Laote v'r mer neet al te wiet goon zagte veer tegenein
Me wet jummers noets of me, zjus roonds 5 december al die höllepsinterklaoze,
Nog heij ofdaor 'ne naomaakkanselerijraod tegekums oet de naoventrint mer zeet gerös 't is us weer gelök.

Heer is 'ne echte sjeng, gebore op belfort, de liegersjaol cum laude doorlaope
Boenao heer naor 't trichter goong
Ouch dat heet heer met succes aofgeslote um vervollegens naor leeuwenborgh te verkasse
En inderdaad es of 't allemaol gein meujte kos, dat wet heer ouch good te doorstoon.

Heer is vaanof 't allerierste begin 'ne batteraof, soms get rauw in d'n umgaank mer altied zoonder koej bedoelinge
Euverigenns es geer wélt weite wie 't veult este hersesjödding höbs, heer is ervaringsdeskundige

Heer fiets väöl, rijdt motor, maak prachtige printe, studeert en heer dreug de horeca e wérrem hart tow
Steit gere bij 't buffet of dat noe veur of dr'achter is
En dat moot proper zien daor wet heer alles vaan
Zwumme is ouch 'ne hobby vaan häöm en 't liefs met kleijer aon met of zoonder brök.
Wéllepe, kebouters, gidse, padvinders, hopmanne en netuurlek akela's laope wie 'ne roejen draod door zie leve.

Heer kump oet e wérrem gezin vaan veer persoene en is tot euver zien oere verleef op e zier sjarmant mestreechs meideke

Leef luij, maag iech uuch verstélle aon de nuijen Hertog vaan de Mineurs vaan 2012:

Hertog RICO d'n Ierste

Lang leve HERTOG RICO D'N IERSTE,

LANG LEVE DE MESTREECHTER VASTELAOVEND!

Hoegachtend
De kanselarijraod